Vá!!

Ég er í ekkert smá góðu skapi núna ('',) ég var að komast að því að FF, hljómsveitinn sem Jim er í, var að fá gig!! Þeir eiga að spila á litlum bar í Durham 25 mars, Durham er háskólabærinn á þessu svæði. Ég er svo spennt og það eru svo margar spurningar, til dæmis hverju á ég að vera í?? Á ég að vera í FF bolnum sem ég fékk í jólagjöf eða á ég að vera cool í stígvélum og einhverjum flottum bol!! Hjálp, ég veit ekki hvað ég á að gera!
Hey þið eruð ábyggilega að velta fyrir ykkur hvað ég gerði síðast laugardagskvöld í tilefni Valintínusardagsins. Jim tók mig að sjá BLUE MAN Group og það var ekkert smá gaman. Ég veit ekki hvernig ég á að lýsa því sem ég sá.....þeir eru ótrúlegir á "trommu" hljóðfæri, þeir voru að spila á rör, eins og pípulagninga rör.....svo var svona eiginlega leiksýning líka með músik. Ég get ekki lýst þessu neitt frekar, ef þið eruð forvitinn þá endilega reynið að sjá sýningu með þeim. Þetta var besta sýning sem ég hef séð í langan tíma. Ég hreinlega gapti af undrun þegar ég kom inn í leikhúsið, ég vissi ekki hvað ég var að fara að sjá og salurinn var furðulega skreytur. Jim kom mér virkilega á óvart og ég vona að hann geri það oftar ef það er einhvað í líkindu við þetta :o)
Allavegna þá er allt gott að frétta, er að undirbúa að vera hérna ein í eina viku meðan fjölskyldan er á spáni!! Ég get ekki beðið, þarf bara að fæða hestanna tvisvar á dag og hundinn einu sinni. Jim vill að ég verði hjá honum mest alla vikuna en ég er ekki viss, að keyra 3 tíma á dag (ein og hálfur tími hvora leið) er ekki það freistandi....verð samt einhvað hjá honum. Annars er ég reyndar að fá heimsókn líka, á laugardaginn ætla bróðir hans Jims og kærasta hans að koma og vera eina nótt og svo í næstu viku ætla Sam (vinkona mín frá Ástralíu) og Kimberly (frá Þýskalandi) og vera hjá mér í eina eða tvær nætur. Svo ég á eftir að njóta þess að vakna ekki hálf 6 á morgnanna, passa að allt sé hreint og fínt og síðast en ekki síst að hanga í tölvunni eins mikið og ég vil án þess að hugsa um hvað klukkan sé!!
Jæja verð að fara, klukkan er að verða margt og á eftir að tala við Jim.

Getiði hvað

Ég er komin með netið í íbúðina mína!! Keypti loksins símalínu og nýja mús.
Ég er svooooo þreytt, það er mánudagur og ég fór seint að sofa í gærkvöldi því það var verið að sýna Super Bowl, það er amerískur fótbolti, úrslitinn voru í gærkvöldi og allir horfa á þetta. Það er frekar flott sýning í hálfleik, í fyrra var berað brjóstið á Janet Jackson en í ár fengu þau Paul McCartney til að vera viss um að það yrði ekki annað hneiksli. Ég skil ekki hvers vegna fólk horfir á amerískan fótbolta, þetta er stútfullt af ofbeldi!! Þeir hreinlega ráðast á hvern annan og kalla það að tækla...ég skil ekki svona villimensku, ég er bara fegin að Jim er ekkert fyrir íþróttir, horfir á úrslitin og ekkert meira. Reyndar líkar okkur báðum við hafnarbolta og fylgumst með því, aðallega bara tveimur liðum. Boston Red Sox, unnu "heimsmeistara" keppnina í fyrsta sinn í 86 ára núna í haust! Fólk segir að Babe Ruth setti bölvun á þá þegar þeir seldu hann til New York Yankee 1918, hann átti víst að hafa sagt að þeir myndu ekki vinna "heimsmeistara" keppnina aftur....en þeir unnu loksins, ég held með þeim því þeir eru ein liðið á þessu svæði sem eru í meistaradeild. Hitt liðið sem Jim fylgist meira með en ég er New York Yankee, þið kannist alveg ábyggilega við merkið þeirra því það er mjög vinsælt hjá íslendingum að vera með gerhúfu með Y iní N. Reyndi að ná í mynd en ég kann það bara ekki, er enn að læra á þetta allt saman :þ
Ég var rosalega myndarleg á laugardaginn og í gær, bakaði nokkrar bollur, maður þarf náttla að sýna þeim okkar hefðir eins og ég er að læra um þeirra. Frændi hans Jims kemst ekki yfir það að við höfum Bolludag (köllum það balls day á ensku). Ég ætla líka að baka nokkrar í dag eða á morgun, fer eftir því hvort ég komist í búð í dag eða ekki. Það tekur mig 35 mín að keyra í næstu góðu búð svo ég fer bara einu sinni í viku, það er jafnframt eini dagurinn sem ég yfirgef pleisið í meira en 20 min. Ég hef svo lítinn tíma eftir að ég er búin að vinna og þanngað til ég þarf að fara að sofa, er leiðinleg og fer að sofa ekki mikið seinna en kl. 10, þarf líka að vakna kl. 5:30 á morgnanna!! Þetta er alveg búið að eyðilegja klukkuna í mér, þegar ég sef út þá vakna ég um kl.9, einstaka sinnum rétt fyrir kl.11 en þá hef ég yfirleitt farið mjög seint að sofa! Mikið rosalega er ég orðin gömul :þ
Úúúú, ég er algör, gleymi að segja ykkur hvað ég er að fara að gera næstu helgi! Eins og þið vitið er Valitínusardagurinn næsta mánudag og í ár ætlum við Jim að halda uppá hann, gerðum það ekki í fyrra því þetta er eiginlega ekki íslenskt fyirbæri. Allavegna þá er Jim búin að skipuleggja einhvað og ég er að drepast úr forvitni!! Það eina sem ég veit er að þetta er einhverskonar sýning, ég á að vera aðeins fínni klædd en venjulega og þetta byrjar klukkan 7 á laugardaginn og að þetta er í Boston!! Ég rakst reyndar á miðanna á skrifborðinu hans Jims um daginn en ég kíkti ekki svo ég veit ekki hvað ég er að fara að sjá. Hann sagði mér að fólki finnst þetta vera skemmtilegt og að þetta sé góð hugmynd, ég er SVO forvitinn. En ég ætla ekki að eyðilegja þetta fyrir honum, er búin að eyðilegja eitt sem átti að vera óvænt....það var alveg óvart!!
Ég held að þetta er nóg í bili, kem seinna í vikunni og skrifa meira, klára þá kannski að segja frá því þegar ég fór til Gerorgiu.

Sad Little People, by FF

Jæja þá er hlómsveitinn hans Jims búin að taka upp eitt lag!! Það tók ekki nema um fjóra tíma að stilla öllu upp og taka upp. En fyrir þá sem ekki vita þá heitir hljómsveitinn The Fearsome Foursome en þeir kalla sig FF.Hljómsveitina skipa Jim en hann spilar á bassa og gítar, John (bróðir Jims) á gítar og stundum bassa, Pete (frændi hans Jims) á trommur og svo er það Mike (frændi Jims og bróðir Pete) á hljómborð, trompet og einstaka sinnum á bassa! Þeir hafa verið kallaðir FF síðan þeir voru litlir, nákvæmlega frá því að Mike fæddist, þeir nota númer til að aðgreina sig. Númer 1 er Pete en hann er elstur, hann byrjaði að læra á trommur fyrir 2 árum svo þeir gætu stofnað hljómsveit, unnusta hans heitir Vicky og þau trúlofuðu sig rétt fyrir jól og er fyrirhugað brúðkaup í apríl/maí 2006. Númer 2 er Jim, þið þekkið hann, hann hefur spilað á gítar frá því hann var 13 ára, semur líka lög , tók upp bassan síðasta sumar því þeim vantaði bassaleikara, samt skiptast þeir á það fer eiginlega eftir því hvaða lag þeir eru að spila. Númer 3 er John, hann er fáránlega góður gítarleikari og lagahöfundur, hann byrjaði að spila 13 ára, kærastan hans heitir Melinda. Númer 4 er Mike, hann er búin að spila á trompet síðan hann var 12 ára og byrjaði að spila á hljómborð þegar hann fór í háskóla, hann semur líka lög, kærastan hans heitir Lauren. En allavegna þá vitið núna hvað ég er að tala um þegar ég nefni FF :o)
Annars er vikan búin að vera frekar venjuleg fyrir utan það að ég er komin með heimasíma!! Er líka komin með netið um leið og ég kaupi snúru í tölvuna!
En þetta er nóg í bili, ætla að reyna að skrifa meira seinna í dag.