Páskaegg

Ég hitti pabba minn á mánudaginn í fyrsta sinn í 6 mánuði, það var ekkert smá skrítið en samt rosalega gaman!! Ég fékk páskaegg nr.5 frá mömmu minni og nokkur nr.1 til að gefa fólki að smakka, ég fékk líka lakkrís, mix og harðfisk. Það finnst engum harðfiskur góður hérna fyrir utan að Sam sagði að hann væri ekkert svo slæmur, þetta væri æt :o) Ég fékk líka afmælispakka frá mömmu og Laufey, pabbi gaf mér pening í afmælisgjöf svo ég geti keypt einhvað fallegt handa mér ('',)
En allavegna þá er stór dagur í dag! FF er að fara að spila fyrsta gigið sitt í kvöld og eru allir mjög spenntir. Ég er enn ekki búin að ákveða hverju ég verð í en er búin að minnka valið í 2 buxur og 4 boli!! En ég hef ekki tíma til að skrifa meira, er á leið í sturtu svo ég geti farið fyrr í dag. Ég verð nú samt að segja eitt, ég get ekki beðið til sunnudagsins, því þá get ég borðað páskaeggið mitt :o)

Mig hlakkar til

Á morgun er ég að fara að hitta pabba minn í fyrsta sinn í 6 mánuði!! Fæ reyndar bara að sjá hann í 2 tíma eða svo en það er í lagi. Hann er að millilenda í Boston á leið til Flórída. Hann er með pakka til mín með páskaeggi nr. 5 frá Nóa Síríus!!! Svo fæ ég afmælisgjöf frá systur minni, veit samt ekki hvað það er :o) Mamma minnti mig á það uum daginn að ég á afmæli eftir u.þ.b. 3 vikur. Ég er að verða 23 ára, hvert fór árið! En annars er lítið að frétta, er að reyna að fá sjálfboðavinnu í grunnskóla og svo fer ég í skóla í maí. Ætla að taka ritunar ensku, þarf víst að skrifa nokkrar ritgerðir og lesa einhverjar bækur. En nóg í bili, þarf að drífa mig svo Jim komist á æfingu á tíma.

Bara ég

Ég var að fatta að ég er ótrúlega heimsk. Ástæða þess að ég hef ekki skrifað neitt lengi er vegna þess að ég gleymdi notendanafninu mínu, ég hélt að það væri annað en það raunverlega er svo ég setti það alltaf inn og það gekk en ég sá aldrei síðustu uppfærslur og fleira sem ég hef inn á þessu!! Ég veit ég veit, ætla að passa uppá þetta betur í framtíðinni... En annars er allt gott að frétta, vikan sem fjölskyldan var í burtu var frábær!! Ég keyrði næstum á hverjum degi til Jim því ég hafði engan áhuga á að vera einn í risa húsi í miðjum skógi þar sem nágrannarnir mundu ekki einu sinni heyra í þjófavarnarkerfinu.... traustvekjandi og svo eru bara 2 lögreglubílar á svæðinu!! Svo ég keyrði 3 tíma á dag til að vera með Jim og að hitta Sam (vinkona mín frá Ástralíu)!! Hún kom reyndar til mín eina kvöldið sem ég var þarna þessa viku og náðum við að hafa stelpukvöld með stelpu myndum og slúðri :o)
Ég hef samt góðar fréttir, ég kem mjög líklega í heimsókn í ágúst í 2 vikur!!!! Jim hefur 2 vikur milli sumarskólans og þar til skólinn byrjar aftur. Við erum enn að skoða þetta og ég hef ekki beðið um frí enn þá en ég fæ það örugglega því ég á inni 2 vikur. Það er reyndar annað í þessu og það er að ég ætla að skifta um fjölskyldu fyrir næsta ár í ágúst svo kannski hætti ég hjá þessari sem ég er hjá þegar ég fer til Íslands og þegar ég kem aftur flyt ég til nýrrar fjölskyldu og byrja annað árið mitt hérna í ameríkunni.
Verð annars að fara núna, kem samt fljótlega aftur því ég skrifaði ekkert í næstum mánuð svo ég verð að bæta það upp :o)