Sigur Rós

Já, þá er ég búin að sjá Sigur Rós og þeir voru FRÁBÆRIR!! Þetta voru magnaðir tónleikar, var ekkert smá stolt af því að vera íslendingur og það sem betra er ég fékk afslátt af bol því ég er íslensk (það voru íslenskar stelpur að selja bolina) :o) Það var líka einhver íslensk hljómsveit að hita upp fyrir Sigur Rós, ég man ekki nafnið en þær voru frekar góðar.
En hvað er ég að pæla, ég hef ekki sagt ykkur með hverjum ég fór og hvernig ég komst þanngað!! Þetta var nú meira ævintýrið og þá er nú lítið sagt!!

Simon (eldri strákurinn sem ég hugsa um) ætlaði með mér á tónleikanna en sagði við mig síðasta miðvikudag að honum langaði ekki og að Melkorka (Au Pair sem ég þekki hérna sem er íslensk) hefði ábyggilega meira gaman af því að fara. Svo ég hringi í hana og kemst að því að hún er að vinna alla helgina og kemst ekki. Ég hringi í stelpu frá Póllandi sem er vinkona Melkorku og spyr hana em hún er upptekinn. Ég hrindi í stelpu frá Ítalíu sem ég þekki ekkert og spurði hana. Já og svo stelpa frá Téklaslóvakíu sem ég fór með á kaffihús í síðustu viku!!

Ég var farin að halda að ég þyrfti að fara ein þar til að ég fékk þessa frábæru hugmynd! Þegar ég talaði við Melkorku í fyrsta sinn þá mintist hún á íslenskan strák sem er í skóla í San Francisco. Svo ég hringi í Melkorku og fæ númerið hjá honum, þetta er um miðjan dag föstudag, munið að tónleikarnir voru á laugardegi. Ég hringi og skil eftir skilaboð með nafni, númeri og að ég eigi miða á tónleikanna. Á föstudagskvöldið tók ég strákanna út og í keilu og allt í einu hringir símin,. jújú þetta var Valur! Hann var á leiðinni í partý og það sem meira er hann var að fara á sömu tónleika með vini sínum og þeir voru með aukamiða!! Svo við ákváðum að ég gæti fengið þeirra miða og við myndum selja mína fyrir utan leikhúsið!! Við ákváðum einnig að við myndum vera í bandi á laugardeginum og ég myndi keyra til San Francisco til að ná í þá og síðan myndum við öll fara saman á tónleikanna þaðan. Um miðjan dag laugardag ákvað ég að hringja í Val og fá heimilsfangið hjá honum svo ég gæti prentað út leiðbeiningar og farið að gera mig klára fyrir kvöldið. Ég fékk beint samband við talhólfið hans og skildi eftir skilaboð, þetta var um hálf 3 leitið. Tónleikarnir byrjuðu klukkan 8 og ég bý í u.þ.b. 40 mín frá San Francisco og mig langaði að leggja af stað snemma því ég hafði aldrei keyrt þangað fyrr og var með það í huga að leggja af stað milli 5 og hálf 6! Þegar ég var u.þ.b. að verða tilbúinn klukkan hálf 6 og orðin frekar stressuð því ég hafði ekkert heyrt í Vali!! Ég var búin að reyna að hringja í hann aftur án árangurs þegar hann loksins hringir og tilkynnir mér að hann hafi brotið skjáin á símanum sínum svo hann gat ekki séð símabókina sína og að hann hafi hringt í 5 önnur númer til að finna mig!!
En ég fæ heimilisfangið hans og prenta út leiðbeingar og legg af stað!!

Kem til San Francisco á góðum tíma nema að ég lendi í þessari massa umferðarteppu, missi af beygunni minni í miðborg San Francisco og er heil lengi að finna rétta leið aftur, þurfti að hringdi í Val til að fá leiðbeiningar því ég var ekki með neitt kort!! En loksins fann ég réttu götuna og þar af leiðandi Val og Ryan. Þeir hoppa inn í bílinn, við kynnum okkur og leggjum af stað, Ryan var frekar hissa þegar við sögðum honum að við Valur hefðum aldrei hisst áður. En svona eru íslendingar þegar við búum erlendis, við þefum upp aðra íslendinga, fáum númerið hjá þeim og höfum samband! Eða eins og Valur orðar það: ''við þurfum að standa saman í þessu brálæði''.

Við komum til Oakland og auðvitað villumst við, enda hefur ekkert af okkur komið þanngað áður! Við stopum frekar skuggalegan bíl og leggjum við hliðiná honum og spurjum til vegar, þetta voru 2 spænskumælandi menn. Við finnum loksins réttu götuna eftir að ég var búin að brjóta u.þ.b. 3 umferðalög (ekkert of hættuleg þó)!! Við leggjum bílnum og finnum leikhúsið. Við löbbum um og spurjum fólk hvort það vanti 2 miða en engin svarar nema einhver afrískur/bandaríksur maður og ég seldi honum miðana á $40 dollara (keypti þá á $91 dollara) því okkur langaði að fara inn til að missa ekki af meiru, við komum þanngað korter yfir 8!!

En við skemtum okkur mjög vel og það var ótrúlegt að sjá þá, þeir voru með geðveikt show. Þeir voru einhverskonar ljósashow og svo sýndu þeir stundum myndböndinn á tjaldi bakvið þá. Það er erfitt að útskýra þetta, maður verður bara að sjá það með eigin augum! Mig langar geðveikt að sjá þá aftur :o)

En annað, þá er ég að fara til Santa Barbara um helgina með nokkrum öðrum Au Pairum! Og annað stórt, ég náði skriflega bílprófinu síðasta mánudag með einni villu!! Er ekkert smá stolt af mér :o) Tek verklega eftir næstum 2 vikur en er með bráðabyrgða leyfi þanngað til, ekkert smá fyndið að vera aftur með einhverja papíra sem segja að ég meigi keyra, þetta er eins og að vera 17 ára aftur :o)

En ég lofa að skrifa strax eftir helgina með fleiri fréttir, hafið það sem allra best þanngað til ;)